د بیان آزادۍ دشهیدانو په نوم د مونار دبنسټ ډبره نن سهار د اطلاعاتو و فرهنګ وزارت ترڅنګ پارک کې کېښودل شوه.
په دې ناسته کې چې د مونار دبنسټ ایښودلو په مناسبت جوړه شوی وه، اجرایه ریس ډاکتر عبدالله عبدالله، د اطلاعاتو فرهنګ وزارت سرپرست او استازی، دجمهوری ریاست دبیان د آزادی سفیر، درسنیو مدیران، د ژورنالیستانو او رسنیو دفدراسیون مسولین او څو تنو خبریالانو ګډون کړی وو.
دژورنالیستانود نهادونو دفدراسیون غړی فهیم دشتی وایی: دنوموړی مونار دجوړولو طرح دري کاله مخکې د فدراسیون او د اطلاعاتو و فرهنګ وزارت لخوا مطرح شوې وه او وروسته له ډیرو هڅو نن د نوموړي مونار بنسټ کیښودل شو. د نن په ناسته کی په ترتیب سره داطلاعاتو او فرهنګ وزارت نشراتي استاز ي سیداقا حسین فاضل سانچارکی، دکابل ښاروال عبدالله حبیب زی او اجرایه ریس ډاکتر عبدالله عبدالله د نوموړي مونار په ضرورت، د مونار د عملی جوړولو په مراهلو، د بیان آزادۍ پر اهمیت او پر هغه قربانۍ چې د هېواد د رسنیو ټولنې په دې لاره کې ورکړې، خبرې وکړې.
داطلاعاتو او فرهنګ وزارت نشراتي استازي هغه قربانیو ته په اشارې سره چې په دې ورستیو کلونو کې د رسنیو کارکونکو ورکړې دي وویل: د نوموړي مونار جوړول یو کوچنی ګام دی چې د دې قربانی په یاد کی اخیستل کیږی .
سانچارکي د ژورنالیستانو او رسنیو له فدراسیون څخه په مننی سره ویلی: فدراسیون له اطلاعاتواو فرهنګ وزارت سره په همکارۍ ډیرې هڅې کړې دی، چی یادو هڅو په پایله کې اوس دا طرحه په عملي ډول ترسره شوه.
ډاکتر عبدالله په خپلو خبرو کې دې ته په اشارې چې ګواکي په بشري ټولنه کې د بیان آزادۍ د مخالفت او همزمان د بیان آزادۍ د سرکوبۍ جریانونه موجود دي چی خپل هدف تعقیبوی وویل: اول هغه منفور جریان دی چې د تاریخ په توره صفحه کې ځای پیدا کوي او دوهم د آزادۍ غوښتنې هغه مبارز جریان دی چې د تاریخ په ځلېدونکو صفحو کې ثبت کېږي.
نوموړي د بیان آزادۍ د شهیدانو مونار ته په اشارې سره وویل: هیله لرو چی دا مونار دبیان د آزادۍ د مخالفینو په سینو کې د خنجر خوندې خښ شي.
د کابل ښاروالۍ د طرې پر بنسټ، دا مونار د اطلاعاتو و فرهنګ وزارت تر څنګ پارک کې جوړیږي او په اطراف کې به یې یو لوی میدان د ژورنالیستانو د ټولېدنې او یوه شنه سیمه د هغو کتابخانو لپاره چی له څو لسیزو راپدې خوا یې د
[دیمو کراسۍ دیوال] ترڅنګ کتابونه خرڅول په نظر کې نیول شوې دي.
دطالبانو د رژیم له نسکورېدو څخه په ورستیو کنلونو کې نږدې ۸۰ تنو خبریالانو او د رسنیو کارکونکو ځانونه له لاسه وکړي دي، چی اکثره یې د تروریستی ډلو هدف او په شهادت رسېدلي دي. او یا هم د خبري پوښښ پر مهال په تروریستي پېښو کې په شهادت رسېدلي دي.
