د افغانستان د ژورنالیستانو د ملي اتحادیې د غړو لپاره د حرفوي اخلاقو معیارونه
یو ژورنالیست:
ــ همېشه باید د بیان پر آزادۍ، د رسنیو پر آزادۍ او معلوماتو ته د لاس رسي پر حق ودرېږي او له هغو څخه دفاع وکړي.
ــ د خپل حرفه یي کار په جریان کې له تبعیضي کړنو څخه چې پر نژاد، مذهب، رنګ، سن، جنسیت، معلولیت، قومیت، ژبه او کلتوري توپیرونو ولاړ وي، ډډه وکړي.
ــ په خپل حرفه یي کار کې دقت کوي او له سپکاوي، بدنامولو، بې بنسټه تورونو او د حقایقو له پټولو مخنیوی کوي.
ــ د خلکو معلوماتو او اطلاعاتو د لاسرسي حق ته احترام کوي او هغو ته د حق ورکول د خپلو حرفه یي مسوولیتونو یوه برخه ګڼي.
ــ انساني کرامت ته احترام، فرهنګي بدلونونه او نړیوال منل شوي ارزښتونه د خپلو حرفه یي اخلاقو یوه برخه ګڼي.
ــ د خپل حرفه یي کار په جریان کې جنګ، نفرت، ځورونې، بې باورۍ، لوږې، د ناپوهۍ د ډولونو او نورو ټولنیزو ناروغیو له مېنځه وړلو ته پام کوي.
ــ په خپل حرفه یي کار کې ملي ګټې، د نافذه تقنیني قوانینومطابق په نظر کې نیسي.
ــ په خپلو حرفه یي کړنو کې برابري، بې طرفي او عدالت مراعات کوي.
ــ تل د حقیقت او عقیدې څرګندولو ترمېنځ فرق په نظر کې نیسي.
ــ د حقیقتونو د پټولو په خاطر هېڅ ډول فشار د دولتي او نادولتي مقاوماتو لخوا نه قبلوي.
ــ خپل ځان نه سانسور کوي، لېکن د عمومي ګټو په خاطر.
ــ د هغو سرچینو حویت چې نه غواړي نوم یې افشا شي، پټ ساتي لېکن د نافذه قوانینو په حکم سره.
ــ هغه اطلاعات چې د پټ ساتلو په شرط ورکول شوي دي، نه خپروي لېکن په هغه صورت کې چې خپرول یې د ټولنې د ملي ګټو لپاره اړین وي.
ــ د اړتیا وړسندونه او اطلاعات، په ځانګړي توګه د تحقیقي راپورونو لپاره په ښکاره او رېښتینې ډول په لاس راوړي، لېکن که چېرې د هغو راټولول د هر دلیل پر اساس په ښکاره ډول ممکن نه وي، مګر عمومي ګټې د هغو د خپرولو غوښتونکې وي.
ــ د غیر باوري سرچینو د مطالبو له خپرولو ډډه کوي.
ــ د خپرولو یا نه خپرولو په خاطر رشوت او ډالۍ نه اخلي.
ــ د مصاحبې يه وخت کې له مصاحبه کوونکي سره موودبانه چلند کوي او د خپل حرفه یي کار په لړ کې پر نورو له تمسخر او ملنډو وهلو څخه ځان ساتي.
ــ کله چې په یوې ګناه یا اشتباه مرتکېب کېږي او په هغو پوه شي، ژر تر ژره له ممکنه لارو د هغو د اصلاح لپاره لاس په کار کېږي.
ــ د بیان له آزادۍ څخه په استفاده د نورو له توحین، سپکاوي، ښکنځلو او تهمت څخه ډډه کوي.
ــ د نورو معنوي حقونو ته احترام کوي، او په ځانګړې توګه له ادبي غلا څخه ډډه کوي.
ــ د خلکو شخصي حریم ته احترام کوي او د هغوی شخصي رازونه نه افشا کوي.
ــ د مقابل لوري د غوښتنې په صورت کې، خپل ځان او اړونده بنسټ معرفي کوي.
ــ د نورو له ځورونې، څارنې، آزار او اذیت څخه ډډه کوي.
