شنبه د شپې پر آتو او دېرش دقیقو، ناپېژندو کسانو د سرحد داریو پر دفتر برید وکړ، نوموړې رادیو په غور ولایت کې یوه خصوصي رسنۍ ده.
پدې برید کې د چاودنې آواز او اور لګېدنه لیدل شوې ده، چې د رادیو وسایل او استیدیو په پوره ډول سوځېدلې او مالي زیانونه یې اړولي دي.
نوموړې سیمییزې خصوصي رایو په غور ولایت کې څلور کاله فعالیت درلود، او په غور ولایت کې له یوې څرګندې سیمییزې رادیوڅخه ګڼل کېده.
مخکې لدې هم د نوموړې رادیو کارکوونکو د دې رایو په اطراف کې د شکمنو او وسلوالو کسانو په تګ راتګ اندېښنه ښودلې وه، د غور ولایت له امنیه قومندانۍ څخه یې د امنیت د ټینګښت غوښتنه کړې وه، چې د دې په ارتباط د هېواد کورنیو چارو وزارت امنیتي مسوولینو ته امر کړی وو، تر څو د یادې رادیو امنیت په پوره ډول ټینګ کړي.
د افغانستان د ژورنالیستانو ملي اتحایې د خبریالانو او رسنیو د خوندیتوب پر نشتون د اندېښنې ښودلو ترڅنګ نوموړی برید یې یو جنایت بللی او دا یې د هغو کسانو کار بللی، چې هېڅ وخت د بیان پر آزادۍ باور نلري او د خلکو غږ د ګل کولو په لټه کې دي.
د افغانستان د ژورنالیستانو ملي اتحادیه له امنیتي نهادونو غواړي، ترڅو د دغه پېښې عاملین پیدا او د قانون منګولو ته وسپاري.
