د آشنا تلویزون پخوانی خبریال فاروق فیضي په هرات ولایت کې په حق ورسېده.
فاروق فیضي، چې له دوه کاله راپدې خوا د سرطان له ناروغی رنځېده، تېره ورځ یې د هرات ولایت په یوه روغتون کې ساه ورکړه.
خدای بښلي فیضي، چې یوه نیمه لسیزه د خبریالۍ په لار کې بوخت وو، اما په سرطان ناروغۍ له مبتلاکېدو سره یې د دوامدارې تداوۍ پخاطر له رسنییز فعالیت لاس وکیښ.
د ناروغۍ په وخت کې خدای بښلي فیضي په پاکستان، هند او ترکیه هېوادونو کې له تداوۍ لاندې وو، چې بالاخره د تل لپاره له دې فاني دنیا رخصت شو.
د افغانستان د ژورنالیستانو ملې اتحادیه د فضیي د مړینې له کبله د نوموړي کورنۍ او رسنیزو همکارانو ته تسلیت وایې او د خدای بښلي فیضي لپاره د لوی څښتن له درباره ورته د جنت پردوس غوښتنه کوي.
