نوموړی کتاب(د افغان خبریالانو لپاره د خوندیتوب لارښود) چې پدې وروستیو کې د افغانستان د ژورنالیستانو ملي اتحادیې له لوري چاپ او برابر شوی دی، د تېرې اونۍ په وروستیو کې د وردګو ولایت په خبریالانو او رسنیزو کارکوونکو ووېشل شو.
په وردګو کې د افغانستان د ژورنالیستانو د ملي اتحادیې مسوول، حضرت الدین نصرت وویل: یو شمېر خبریالان او رسنیز کارکوونکي مو د (یووالي غږ) رادیو ته رابللي وو، او د نوموړی لارښود کتابونه مو پرې ووېشل.
د ښاغلي نصرت په وینا: د نوموړې ناستې یو شمېر ګډونوالو د خبریالانو د خوندیتوب په اړه پوښتنې مطرح کړې، چې د غه لارښود د محتوا په نظر کې نیولو سره ورته ځوابونه وویل شول.
همدارنګه پدې ناسته کې حاضرو ژورنالیستانو د هغو لارښودونو په اړه، کوم چې د ژورنالیزم له مسلکي توب سره اړیکه لري د ډېرو نورو لارښودونو د برابرولو او ویشلوغوښتنې مطرح کړې.
