نوموړی کتاب(د افغان خبریالانو لپاره د خوندیتوب لارښود) چې پدې وروستیو کې د افغانستان د ژورنالیستانو ملي اتحادیې له لوري چاپ شوی دی، د ارزګان ولایت په خبریالانو او رسنیزو کارکوونکو ووېشل شو.
نوموړی لارښود په هغه ناسته کې، چې د یاد ولایت د ملي تلویزون په تالار کې جوړه شوې وه، معرفي او وویشل شو. پدې ناسته کې د یاد ولایت د ملي او سیمه ایزو رسنیو په لسګونو تنو خبریالانو او رسنیزو کارکوونکو ګډون درلود.
ګډونوالو، د نوموړي لارښود په برابرولو کې، د افغانستان د خبریالانو د اتحادیې سرښندنې د قدر وړ بللې دي. او نوموړی لارښود یې د خبریالانو د خوندیتوب لپاره کټور ګڼلی دی.
نوموړی لارښود تراوسه د افغانستان د ژورنالیستانو د ملي اتحادیې له لوري د افغانستان په اکثره ولایاتو کې خبریالانو ته ښودل شوی او ویشل شوی دی، اتحادیه هیله لري ترڅو د دې لارښود محتوا د هېواد په کچه د خبریالانو د استفادې وړ وګرځي.
