د ذبیح الله تمنا، مړی نن په شهدای صالحین جرګه کې خاورو ته وسپارل شو. د نوموړي خبریال خاورو ته د سپارلو په مراسمو کې، به سلګونو تنو خبریالانو، د رسنیو د صنفي او مرسته کوونکو بنسټونو او رسنیزو مسوولینو، حکومتي چارواکو، دوستانو او د تمنا د کورنۍ غړو ګډون درلود.
ذبیح الله تمنا، دوې ورځې وړاندې پداسې حال کې په شهادت ورسېد، چې له یوه امریکایي همکاره سره د موسی قلعه ولوسوالۍ د وضیعت د خبري پوښ لپاره په یوه نظامي کاروان کې یادې ولسوالۍ ته تلل.
په لاره کې، د تمنا او د همکار د لېږد په موټر باندې راکټ ولګېده او د موټرچلوونکي په ګډون درې واړو خپل ځانونه له لاسه ورکړل.
د تمنا خاورو ته د سپارلو په مراسمو کې یوشمېر حاضرو خبریالانو ویل، چې ترهګر نشي کوالای، چې د خبریالانو او رسنیزو کارکوونکو په هدف ګرځولو باندې، په افغانستان کې د بیان د آزادۍ مخه ونیسي.
