د هرات یو شمېر خبریالانو د ترکمنستان هېواد د خبریالانو او رسنیو د لیدلو او د هغه هېواد د نوي کال د جشن په مراسمو کې د ګډون پخاطر سفر کړی دی.
د هغه هېواد دولتي چارواکو او رسنیو، د عشق آباد او ماري ښارونو له با ارزښته او قدیمي سیمو څخه لیدنه کړې ده.
یاد خبریالان د افغانستان کاري او رسنیزې اړیکې، د سیمې د هېوادونو له رسنیو او خلکو سره د اړیکو د ټینګښت او د کلتور د ښودنې لپاره ګټور ګڼي.
په هرات کې د افغانستان د ژورنالیستانو د ملي اتحادیې مسوول، قدیر شاهین وايي، یاد سفر د هرات د ژورنالیستانو د ملي اتحادیې په همغږۍ او غوښتنه او هرات ته د ترکمنستان هېواد د سیاسي استازو په راغوښته رامنځته شوی دی، او پدې پروګرام کې د هرات د صوتي، تصویري او چاپي رسنیو ۷ تنو خبریالانو ګډون کړی دی.
نوموړي زیاته کړه، یاد سفر چې څلور ورځې یې دوام وکړ، د افغان او ترکمن خبریالانو او رسنیو د اړیکو د جوړښت په هدف او د ترکمنستان هېواد د خلکو د نوي کال په جشن کې د ګډون پخاطر ترسره شو.
نوموړي دغه سفر، د دوو دولتونو افغانستان او ترکمنستان ترمنځ د رسنیزو اړیکو د پیل نقطه او د نورو اړیکو ټینګښت ګڼي او ټینګار کوي چې دا ډول پروګرامونه کولای شي چې د تجربو په تبادله او د کلتورونو په پېژندنه کې ګټور تمام شي.
ترکمنستان د افغانستان په شمال کې پروت دی، او د هغه هېوادونو له جملې څخه دی، چې رسنۍ یې د دولت له لوري حمایه کیږي.
د مسوولینو د وینا پر بنسټ، اوس مهال شپر تلویزوني شبکې، څو رادیوګانې او چاپي نشرات لري.
پدې سفر کې د هرات خبریلانو، د یاد هېواد له خبریالانو او رسنیزو مسوولینو سره د نوي کال په جشن کې د ګډون ترڅنګ د کاري مسایلو په اړه هم بحث کړی دی.
د هېواد په لویدیځ زون کې، د خوندیتوب د کمېټې مسوول، همایون نظري ټینګار کوي چې د خبریالانو اساسي کار پېژندنه ده او دا ډول سفرونه د خبریالانو پېژندنې ته انکشاف پخاطر ګټور تمامیږي.
نوموړی وایي، مخکې لدې یې د ترکمنستان او د هغه هېواد د رسنیو د حالت په اړه کم معلومات درلودل، چې اوس مهال یې د هغه ولایت د رسنیو د حالت په اړه د معلوماتو کچه لوړه شوې ده.
همدارنګه د دغه مراسمو په لړ کې د هرات رسنیز ټیم د ترکمنستان هېواد د ولسمشر له مرستیال او د یاد هېواد د پارلمان له رییس سره هم لیدنه وکړه.
نوی کال په ترکمنستان کې د یوه ملي او قدیمي جشن په عنوان یادیږي، چې د دوو ورځو لپاره یې د سنتي او فرهنګي نمونو په ښودنه، رقص، موسیقي او د ترکمنستان هېواد د خلکو د رسم او رواج، خوړو او جامو او په رقصونو یې لمانځي.
همدارنګ د دغه سفر په لړ کې د د ملي موزیم، قبرونو او باستاني ځایونو، با ارزښته سیمو، د ماري او عشق آباد له ښارونو یې د د هغه هېواد د فرهنګ د پېژنلو پخاطر لیدنه وکړه،
لدې وړاندې، په هرات کې د ژورنالیستانو د ملي اتحادیي ولایتي دفتر، د ایران هېواد له رسنیو او خبریالانو سره د روابطو د جوړولو پخاطر ورته پروګرام جوړ کړی وو، چې په هغه سفر کې یو شمېر افغان خبریالانو له ایراني خبریالانو او ورځپانو لیکونکو سره هم لیدنه وکړه.
