د کورنیو چارو وزارت اعلام کړی، چې په رسیزو فعالانو او سیاسي شنونکو د وروستیو بریدونو د تحقیق لپاره یوه ځانګړې ډله تشکیل شوېده.
پدې ډله کې د مختلفو امنیتي بنسټونو استازي ګډون لري او د هغوی اصلي هدف د هغو اطلاعاتو راټولول او تحلیل دي کوم چې په دا رنګه بریدونو کې په لاس راځي. د کورنیو چارو وزارت د ویاند په وینا، د دغه ډلې تشکیل به په رسنیزو فعالانو، سیاسي شنونکو او پېژندل شوو څېرو د بریدونو مخه ونیسي.
په وروستیو اونیو کې، په رسنیزو فعالانو، سیاسي شنونکو او پېژندل شوو څېرو باندې زیات موارد په ځانګړې توګه په کابل کې پېښ شويدي.
په تېرو څو اونیو کې، صدیق الله توحیدي، د آسیا تلویزون رییس، امان الله عطایي، له سیاسي شنونکو څخه احمد سعیدي، طوفان وزیري او جاوید کوهستاني، د بخدي آژانس د امتیاز خاوند، سالم وحدت او د هېواد له پېژندل شوو وزرشکارانو څخه نثار احمد بهاوي د دغه بریدونو هدف وو، چې لدې جملې څخه ښاغلي عطایي ځپل ځان له لاسه ورکړ، نثار احمد بهاوي او احمد سعیدي ټپیان شول او نور جوړ پاتې شول.
د افغانستان د ژورنالیستانو ملي اتحادیې پداسې حال کې، چې له دغه حالت څخه یې اندېښنه ښودلې وه، له امنیتي بنسټونو څخه یې غوښتي وو، ترڅو د رسنیزو فعالانو او سیاسي شنونکو د خوندیتوب لپاره زیاتې هڅې وکړي.
د یادې اتحادیې مسوولینو د ځانګړې ډلې د تشکیل لپاره د حکومت له تازه ابتکار ښه راغلاست کوي او له امنیتي بنسټونو سره په اړیکه کې دي، ترڅو د خبریالانو د صنفي او مرسته کوونکو بنسټونو استازي هم په دغه ډله کې شامل شي، ترڅو پدې اړه د خبریالانو د صنفي او مرسته کوونکو بنسټونو او د امنیتي بنسټونو ترمنځ همغږي رامنځته شي.
