نن ماښام د سیاسي مسایلو کارپوه، پخوانی ډیپلومات او لیکوال احمد سعیدي، د کابل په شهرنو سیمه کې تر وسلوال برید لاندې راغی او ټپي شو.
یاده پېښه د کابل په مرکز د حاجي یعقوب په څلور لاره کې رامنځته شوه.
ښاغلی سعیدي له برید وروسته په کابل کې د(امر جنسي) روغتون ته انتقال شوی او خپلوانو یې ویلي دي، چې د ښاغلي سعیدي روغتیایي حالت خراب ندی.
امنیتي چارواکي د دغه پېښې په اړه وايي، چې وړاندې هم د ښاغلي سعیدي پر وړاندې د ترهګریزو ډلو ګواښونه موجود وو.
د ملي امنیت او پولیسو د چارواکو په وینا، پدې اړه پلټنې پیل شوي دي او نتیجه به یې وروسته د عامه ذهنونو په واک کې ورکړل شي.
د افغانستان د ژورنالیستانو ملي اتحادیه پداسې حال کې چې له دغې پېښې او د ښاغلي سعیدي له روغتیایي حالت څخه اندېښمن دي، له امنیتي بنسټونو سره په اړیکه کې وو او د پېښې د جدي پلټنې او د هغه د عاملینو د پېژندلو غوښتونکي وو.
