نن د مې درېیمه، چې برابره ده د بیان د آزادي له ورځې سره!
نن په کندهار کې خبریالانو او رسنیزو کارکوونکو، د بیان د آزادۍ ورځ د شهید عبدالمنان ارغند پر قبر ولمانځه.
خبریالانو په یاد ولایت کې د دولتي خبرونو بندیز ختم کړ. د دغه خبریالانو په وینا، عام وکړي ورځنیو اطلاعاتو ته ضرورت لري، بنا د خلکو د ورځنیو اطلاعاتو د ضرورت له امله د دولتي خبرونو بندیز ختم شو. په ورته وخت کې دغه خبریالان له دولت څخه د خبریالانو د امنیت له ټینګښت څخه تمه لري، ترڅو پدې اړه جدي ګامونه پورته کړل شي. همدارنګه ټینګار کوي چې دولت او نړیوال بنسټونه باید د شهید شوو خبریالانو له کورنیو سره دوامداره مرستې وکړي.
د کابل نیوز خبریال، ښاغلي ارغند څه موده وړاندې په کندهار ولایت کې د ناپېژاندو کسانو له لوري شهید کړل شو.
