خان آقا الکوزی د افغانستان یو له پخوانیو خبریالانو څخه وو، چې نن ورځ د ۵۸ کالو په عمر سره ومړ.
ښاغلي الکوزي، چې تر دې نږدې وختونو یې په آزادۍ رادیو کې کار کاوه، د سرطان ناروغۍ له امله د اتریش هېواد په یوه روغتون کې ومړ. الکوزی د افغانستان د ملي رادیو تلویزیون یو له پخوانیو خبریالانو څخه وو، چې له یوې آخرې لسیزې څخه زیات یې د چک جمهوري مرکز په پراګ ښار کې له آزادۍ رادیو سره کار کاوه.
د افغانستان د ژورنالیستانو ملي اتحادیه، د ښاغلي الکوزي مړینه د نوموړي کورنۍ او په ملي او نړیوالو رسنیو کې د ده همکارانو ته تسلیت وایي.
