په ننګرهار کې د دوو خبریالانو ټپي کېدل

شنبه غویی 1397,2,29

تېره شپه په جلال آباد ښار کې دوه تنه خبریالان ټپي شول.

د صفا سیمه ییزې رادیو مسوول، قرار عزیزی او د یادې رادیو خبریال مبارز اتل د جلال آباد په ورزشي ستیدیوم کې د یوې چاودنې په لړ کې ټپي شو.

پېښه پداسې حال کې رامنځته شوه، چې د جلال آباد ښار په یوه ستیدیوم کې د   رمضان جام سیالۍ روانې وې.

پدې چاودنه کې یو شمېر لیدونکي شهید او د دوو خبریالانو په ګډون نور ټپي شوي دي.

د یادو خبریالانو روغتیایې حالت د اندېښنې وړ ندی ښودل شوی.