د خبریالانو د خوندیتوب زده کړیزه دوره د افغانستان د ژورنالیستانو د ملي اتحادیې له لوري په هرات ولایت کې د دوو ورځو لپاره ترسره شوه.
پدې پروګرام کې چې تېره اونۍ د چهارشنبې او پنجشنبې په ورځ جوړ شو، ۲۵ تنه خبریالانو چې په هرات ولایت کې یې ملي او سیمه ییزو رسنیو ته کار کاوه ګډون درلود.
د هرات زده کړیز پروګرام د کار او صفر پر مهال د خبریالانو د خطرونو او له دغه خطرونو د خوندیتوب په ارتباط ترسره شو.
د افغانستان د ژورنالیستانو د ملي اتحادیې اجرایه رییس، محمد فهیم دشتي د دغه پروګرام په لړ کې د هرات ولایت خبریالانو ته وویل: د( د افغان خبریالانو لپاره د خوندیتبو لارښود) د دغه اتحادیې له لوري برابر شوی او په مختلفو ولایاتو کې د خبریالانو لپاره لېږل شوی دی.
په دغه زده ګړیز پروګرام کې د رهنما استاد، میر محمد صدیق ذلیق په افغانستان کې د خبریالانو د خودندیتوب لپاره د دا ډول زده کړیزو پروګرامونو په لار اچول ډېر ګټور بللی او زیاته یې کړه چې دا ډول پروګرامونه کولای شي چې د خبریالانو لپاره مناسبې کړنلارې وړاندې کړي.
د افغان خبریالانو دخوندیتوب زده کړیز پروګرامونه تراوسه په کندهار، بدخشان، ننګرهار او بلخ ولایاتو کې جوړ شوي دي او نږدې ده چې په یو شمېر نورو لایاتو کې هم جوړ شي.
د دغه پروګرام په وروستیو کې د( د افغان خبریالانو لپاره د خوندیتوب لارښود) کتابونه او تصدیق پاڼې چې د اتحادیې له لوري برابر شوي وو، ګډونوالو ته ورکړل شول.
