د خبریالانو د خوندیتوب زده کړیز پروګرام د افغانستان د ژورنالیستانو د ملي اتحادیې له لوري په خوست ولایت کې د دوو ورځو لپاره ترسره شو.
پدې پروګرام کې چې تېره اونۍ د سه شنبې او چهارشنبې په ورځو جوړ شوی وو، ۲۷ تنه خبریالانو پکې ګډون درلود.
د خوست زده کړیز پروګرام د کار او سفر پر مهال د خبریالانو د خطرونو او له دغه خطرونو د خوندیتوب په ارتباط ترسره شو.
د یاد پروګرام ګډونوال په دغه پروګرام کې له وړاندې شوو مطالبو خوښ وو او دا ډول مطالب یې د خبریالۍ په لار کې ګټور ګڼلي دي.
د افغان خبریالانو دخوندیتوب زده کړیز پروګرامونه تراوسه په کندهار، بدخشان، ننګرهار، هرات او بلخ ولایاتو کې جوړ شوي دي او نږدې ده چې په یو شمېر نورو لایاتو کې هم جوړ شي.
د دغه پروګرام په وروستیو کې د( د افغان خبریالانو لپاره د خوندیتوب لارښود) کتابونه او تصدیق پاڼې چې د اتحادیې له لوري برابر شوي وو، ګډونوالو ته ورکړل شول.
