پرتو نادري، چې یوه اونۍ وړاندې يې د نیولو حکم د لویې څارنوالۍ له لوري صادر شو، دغه حکم غیر قانوني حکم بولي او وایي چې هېڅکله به څارنوالۍ ته حاضر نه شي.
په هغه خبري ناسته کې چې نن د افغانستان د ژورناللیستانو د ملي اتحادیې له لوري د دغه اتحادیې په ودانۍ کې ترسره شوه، پرتو نادري ټینګار وکړ، چې څارنوالي باید زما د نیولو پر ځای د ترانسپورت له وزیر، علي داوود نجفي څخه څېړنې وکړي.
د افغانستان د ژورنالیستانو د ملي اتحادیې ویاند، سید محمد علي رضواني چې پدې ناسته کې یې د خبریالانو پوښتنو ته ځوابونه ورکول د څارنوالۍ له لوري د ښاغلي نادرې د نیولو په مقابل کې یې د دغه اتحادیې درېدنه داسې تشریح کړه.
که چېرته په دغه قضیه کې څوک ونیول شي، او هغه کسان دې چې په ښاغلي نجفي یې تور لګولی دی. که چېرته د هغوی تور ریښتینی ثابت شو، باید ښاغلی نجفي څارنوالۍ ته معریفي شي او همدارنګه باید د ولسمشریزو ټاکنو د شکایتونو د آوریدلو د کمیسون رییس، ښاغلی اسدالله وفا باید تر تحقیق لاندې ونیول شي، چې ولې یې د خپلې ادارې محرم اسناد بیرون ته وتلي دي او دا ډول د جنجالونو باعث شوي دي.
د هېواد لویې څارنوالۍ د ترانسپورت د وزیر په غوښتنه د پرتو نادري د نیولو حکم صادر کړی دی.
پرتو نادري (رییس جمهور آیندۀ کشور را چی کسی انتخاب خواهد کرد) د مقالې تر سرلیک لاندې له نجفي څخه د نقل قول په اړه راوړي، چې ویلي یې دي: حامد کرزی ما ولسمشر کړ، کني ډاکټر عبدالله ولسمشر کېده.
د نادري دغه مقاله د آرمان ملي ورځپاڼې په یوه شمېره کې خپره شوې ده.
پدې اړه تور، چې ګواکي داوود علي نجفي ادعا کړي چې په تېرو ولسمشریزو انتخاباتو کې په لاس وهنه کې یې رول درلود، په هغه لیک کې چې د ولسمشریزو انتخاباتو د شکایت اوریدلو د کمیسیون له لوري لېګل شوي کې قید شوی دی. پدې لیک کې همدارنګه په داوود نجفي باندې نور تورونه لکه: رشوت اخیستل، اختلاس او حتا د یو تن د وژلو لپاره د زمینې برابرول پورې شوي دي.
داوود علي نجفي دغه ټول تورونه رد کړي او ویلي یې دي چې ځیني کسان غواړي ترڅو پدې رکم د نوموړي شخصیت ته زیان ورسوي.
