د سام فرهنګي او هنري بنسټ مسوول او د سام میاشتینۍ مدیر مسوول، احمد ندیم غوري پدې وروستیو کې د طالبانو له لوري په وارو وار سره په مرګ ګواښل شوی دی.
د غوري په وینا، د ده پروړاندې د ګواښونو اصلي عوامل پدې ولایت کې ناوړه ټولنیز رواجونه دي چې پدې وروسته کې ورسره مخ دی.
غوري چې ډېر کاله یې د غور په مکتبونو کې د معلم په حیث دنده ترسره کړې ده، وایي چې له وروستیو ننګونو څخه یو هم د غور په دولتي تلویزیون کې د یوې لور زیات فعالیت دی.
د ښاغلي ندیم په وینا، په تېرو اونیو کې په وارو وار سره له تلیفوني ګواښونو سره مخ شوی دی او کور ته نږدې یې لیکونه پیدا کړي چې په ظاهره کې د طالبانو له لوري لیکل شوي دي، چې نوموړی او کورنۍ یې په مرګ ګواښلي دي.
غوري همدارنګه وایي، چې دا موضوع یې په وار وار د غور ولایت له امنیتي چارواکو سره شریکه کړې ده؛ مګر دوی هېڅ ډول اقدام ندی کړی.
نوموړی پدې باور دی، که چېرته دغه ګواښونه دوام پیدا کړي، په دې ولایت کې به له خبریالۍ او فرهنګي فعالیتونو څخه په لاس اخیستلو مجبور شي او له کورني سره به یو ځای غور ولایت پریږدي.
په غور کې د افغانستان د ژورنالیستانو د ملي اتحادیې مسوولین تایید وي چې ښاغلی غوري له ګواښونو سره مخ وو.
په غور ولایت کې د نوموړې اتحادیې مسوول، عبدالقدیر غفوري وایي: موږ له دې ګواښونو خبر لرو او دا مسله مو په غور کې له دولتي مسوولینو سره هم شریکه کړې ده.
د غور ولایت د پولیسو قومندان، دلاور شاه دلاوري پداسې حال کې چې ټینګار کوي پدې ولایت کې امنیتي حالت د قناعت وړ دی وایي، چې پدې اړه به ژر تر ژره له ښاغلي غوري سره خبرې وکړي او امنیتي مامورینو ته یې دنده ورکړې ترڅو د نوموړي کور تر نظر لاندې وساتي، دلاوري ډاډ ورکوي چې له ښاغلي ندیم سره به هراړخیزه همکاري وشي.
