اطلاعاتو ته د لاسرسي قانون د ۱۸/۱۹/۲۰ او ۲۲ مادو د حکم پر اساس، ټاکل شوې ده چې اطلاعاتو ته د لاسرسي د کمیسیون پنځه غړي د آزاد رقابت پروسې له لارې غوره کړل شي.
ټاکنیزه کمېټه د یاد کمیسیون د غړو د ټاکلو په منظور د اوه نفرو استازو په ترکیب سره جوړه شوې ده.
په کمیسیون کې د غړیتوب شرطونه:
۱ــ د افغانستان د اسلامي جمهوريت تابعیت
۲ــ ۳۰ کاله عمر
۳ــ لږترلږه د لیسانس تحصیلي سند درلودونکی وي
۴ــ په اداري فساد، جنایت او بشري ضید جنایتونو محکوم نه وي
۵ــ اړونده پنځه کلنه تجربه ولري
۶ــ د نېک شهرت درلودونکی وي
۷ــ د دولتي دندو ټاکل شوی او یا انتصاب شوی پرمخ وړونکی ونه اوسي
۸ــ د سیاسي حزب غړیتوب ونه لري
په شرایطو برابر کسان کولای شي خپل خلص سوانح او تکمیلي اسناد د تلې له لوموړۍ نېټې څخه تر پنځه لسمې نېټې پورې د اطلاعات او کلتور وزارت څلورم پوړ د ټاکنیزې کمېټې د سکرتریت په آدرس او همدرانګه د ټاکنیزې کمېټې بریښنالیک ته هم ارسال کړي.
یادونه:
الف:
د کمیسیون عمده دندې:
۱ــ له اداراتو څخه اطلاعاتو ته د لاسرسي له پروسې څارنه او د هغو د څرنګوالي ارایه کول.
۲ــ د غوښتونکو د شکایتونو څېړنه.
۳ــ د اړتیا په صورت کې د ادارو د اطلاع رسونې له مسوولو مراجعو څخه د اسنادو غوښتنه.
۴ــ ادارو او غوښتونکو ته د لازمو مسودو ارایه کول.
۵ــ د ادارو د اطلاع رسونې مسوولو مراجعو د راپور ارزیابي کول.
۶ــ ولسمشر اوملي شورا مجلس ته د کمیسیون د فعالیتونو یو کلنی راپور وړاندې کول او خپرول.
۷ــ د ښوونیزو پروګرامونو له لارې په هېواد کې د اطلاع رسونې فرهنګ تقویه کول.
۸ــ د کمیسیون د فعالیتونو په اړه د عامه پوهاوي لوړول.
۹ــ د کمیسیون د تصمیمونو خپرول.
۱۰ــ د دغه قاون د حکمونو د پلي کېدو له څرنګوالي څارنه.
۱۱ــ د اړونده لایحو او طرزالعملونو تصویبول.
۱۲ــ د ادارو له لوري د اطلاعاتو په څرنګوالي تر یوه حده د معیارونو وضع کول.
۱۳ــ په قانون کې د درج شوو نورو دندو ترسره کول.
(ب): غوښتونکي کولای شي چې اطلاعاتو ته د لاسرسي قانون د یاد کمیسیون له سایت څخه ترلاسه کړي.
