یوه زده کړیزه دوره چې د افغانستان د ژورنالیستانو ملي اتحادیې له لوري د روان کال د تلې له میاشتې راهیسې پیل شوې وه، د همدې اونۍ په یکشنبې ورځ پای ته ورسېده.
یاده زده کړیزه دوره په کابل کې د پولنډ سفارت په مالي ملاتړ په کابل، بلخ، ننګرهار، خوست او هرات ولایتونو کې ترسره شوه.
د دغه زده کړیزې دورې وروستۍ برخه په هرات ولایت کې ترسره شوه چې په هغه کې د هرات ولایت د مختلفو فعاله رسنیو نږدې ۳۰ تنو خبریالانو ګډون کړی وو.په ټوله کې د ۳۰ تنو ښځینه خبریالانو په ګډون د مختلفو رسنیو نږدې ۱۵۰ کسان له دغې زده کړیزې دورې څخه مستفد شول.
د افغانستان د ژورنالیستانو ملي اتحادیې اجرایه رییس، محمد فهیم دشتي وایي: د اکثره خبریالانو له هغه قوانینو څخه ناخبري چې په هېواد کې د رسنیو د فعالیت چوکاټ تعینوي، د دغه پروګرام د طرحې او ترسره کېدلو اصلي دلیل وو.
د دشتي په وینا، په داسې حال کې چې مختلف قوانین چې له هغې جملې څخه اساسي قانون، د ټولیزو رسنیو قانون، د مولف حق قانون او د ټاکنو، ملیاتو، د جزا داخلي او خارجي امنیت پروړاندې جرایمو د قوانینو یوه برخه، په هېودا کې له رسنیزو فعالیتونو سره تړلي دي، اکثره خبریالان په دې باور دي چې تنها د ټولیزو رسنیو قانون او مولف حق قانون د دوی د فعالیت چوکاټ مشخصوي.
د افغانستان د ژورنالیستانو ملي اتحادیې په وروستیو دریو میاشتو کې په کابل او ولایتونو کې د خبریالانو لپاره د زده کړو مختلفې دورې ترسره کړي دي، چې له هغې جملې څخه د توبرکلوزد تداوي او مخنیوي زده کړې، د ټاکنو خبري پوښښ زده کړې، د اخلاقي موازینو زده کړې او د خبریالۍ حرفوي معیارونه او داسې نور……
