ولسمشري حامد کرزي، د خبریالانو اړوند ټولې هغه دوسیې چې له سل کلونو راپه دې خوا، په څارونوالۍ او یا هم په محکمو کې په جریان کې دي، بښلي دي. په یادو دوسیو کې هغه ټول شکایتونه موجود دي چې د هېواد له رسنیو څخه شوي دي او د هغوی څېړنه په څارنوالیو او محکمو کې جریان لري.
د ولسمشر ویاند، ایمل فیضي ویلي دي: د(پنجشنبه مرغومي ۱۹ ) په عدلي او قضایي ناسته کې چې په هغه کې د لوی څانوال او قاضي القضات صاحب شمول عدلي او قضایي ټولو مشرانو ګډون درلورد، دغه موضوع مو یاده کره او پرېکړه وشوه چې دغه دوسیې د وبښل شي.
ښاغلي فیضي وویل، د دغه پرېکړې پر بنسټ، د رسنیو او د رسنیزو خلکو ټولې دوسیې، چې په لویه څارنوالۍ کې تراوسه پورې په هغه څېړنه روانه ده( ځای په ځای قرنطین کیږي) او نور نه څېړل کیږي.
د ولسمشر کرزي ویاند زیاته کړه، هغه دوسیې چې په محکمو کې د هغو په اړه پرېکړه شوې، د عدلیې وزارت په غوښتنه د یوه فرمان په واسطه بشل کیږي. فیضي وویل، دا کار هم د عدلیې وزارت په واسطه کیږي او د رسنیزو کسانو تشریف راوړلو ته ضرورت نشته.
د افغانستان د ژورنالیستانو ملي اتحادیې اجرایه رییس، محمد فهیم دشتي وایي: موږ نه تنها دا چې په دې اړه د اعلامیې په صدور او د ولسمشر رسمي فرمان په صدور د خبري ناستې په جوړولو تکید وکړ؛ بلکي له له مربوطه مراجعو سره په اړیکه شوي یو ترڅو دغه مسله وڅېړل شي.
د دشتي په وینا، د افغانستان د ژورنالیستانو ملي اتحادیه اوس هم د دغه دوسیو له سرنوشت څخه د پوره اطمنان تر حاصلولو پورې به له مربوطه مراجعو سره په اړیکه کې وي.
