د هېواد تکړه لیکوال، محمد قسیم اخګر د تل لپاره له دې فاني نړنۍ څخه سترګې پټې کړې.
استاد اخګر له لویې مودې راهیسې د شکر په ناروغی اخته وو او نږدې دوه کاله راپه دې خوا په بستر کې پروت وو.
استاد اخګر د ناروغۍ په وروستیو میاشتو کې د خبرو کولو وس هم نه درلود.
اخګر په افغانستان کې د کمونیستي حکومت په جریان کې د پېژندل شوو سیاسي فعالانو څخه وو، چې په همدې دلیل د افغانستان پرېشودلو ته مجبور شو. استاد د مهاجرت په کلونو کې، څو کتابونه هم خپاره کړيدي.
استاد اخګر چې د مدني ټولنې یو له تکړه فعالانو څخه وو ترڅنګ یې په دیني بحثونو کې هم ډېره مخه لره او په یقین سره له هغه کسانو چې په پټکي تړلو او د ږیرې په پرېښودلو سره ځانونه د دین استازي ګڼي له دین څخه یې پوره معلومات درلودل.
