تېره ورځ، په بدخشان کې د خبریالانو او رسنیزو فعالانو په ګډون ناسته ترسره شوه چې د ناستې ګډونوالو خبریالانو د بدخشان والي د ساتونکو له لوري د یوه خبریال د توهین په وړاندې اعتراض وکړ.
د آمو رادیو مدیر مسوول، عبدالبصیر حقجو چې تېره سه شنبه د بدخشان ولایت ودانۍ ته د تللو په جریان کې د ولایت ساتونکو له لوري ورته توهین وشو.
ښاغلی حقجو د آمو رادیو مدیریت ترڅنګ په بدخشان کې د څو نورو رسنیو ګردانندګي هم په غاړه لري. د تېرې ورځې ناستې په وروستیو کې ګډونوالو یو پرېکړه لیک صادر کړ چې د هغه پرېکړه لیک په یوه برخه راغلي دي: تر هغه وخته چې د بدخشان والي دغه موضوع ته جدي رسیدګي ونه کړي موږ خبریالان د بدخشان د والي مربوط مسایلو ته پوښښ نه ورکوو او هغه تحریم کوو.
د افغانستان د ژورنالیستانو ملي اتحادیه په داسې حال کې چې د خبریالانو او رسنیو پروړاندې هرډول تاوتریخوالی غندي ترڅنګ یې اعلام کوي چې هڅه کړي ترڅو د خبریالانو او د بدخشان د محلي ادارې ترمنځ ستونزه حل کړي.
