د تېرو دوو ورځو په پرلپسې ناستو کې چې د افغان خبریالانو د خوندیتوب کمېټې په ابتکار د افغانستان د ژورنالیستانو ملي اتحادیې او د افغانستان د خپلواکو رسنیو د ملاتړ بنسټ(نی) په همکارۍ ترسره شوې، د ټاکنو وروسته جریانونو د پوښښ د څرنګه والي په اړه اوږده بحثونه وشول.
په دغه بحثونو کې چې د هېواد د رسنیو مشهورو چلوونکو پکې ګډون درلود، له ټاکنو وروسته د بدلونونو په جریان کې د عامه ګټو د تامین لپاره په لاندې ډول په یو سلسله اصولو موافقه وشوه.
د ټاکنو له دویمې دورې وروسته جریاناتو د خبري پوښښ په اړه د رسنیزو مسوولینو پرېکړه لیک
افغانستان په یوه اساس حالت کې قرار لري. په دغه وخت کې له هر وخت زیات د رسنیو نقش زیات اړین دی. رسنۍ او خبریالان کولای شي په مدبرانه برخورد سره له بحران څخه مخنیوی وکړي. په دغه وخت کې جدي اړتیا ده ترڅو خبریالان او رسنۍ له هر ډول قومي، حزبي، سمتي، نژادي او مذهبي وابستګۍ څخه ځانونه وساتي او تنها اطلاعاتو ته د خلکو لاسرسي ته فکر وکړي. عامه ګټو ته خدمت چې د خبریالۍ حرفې موخه ده پکار ده چې خبریالان او رسنۍله ټاکنو وروسته جریان په پوښښ کې ورته دقت وکړي او پېښو څخه منصفانه تصویر بیدون له افراط او تفریط څخه وړاندې کړي.
د پورته ذکر شوو واقعتونو او په هېواد کې روان اساس حالت ته په کتو سره، موږ رسنۍ او خبریالان لاندې مواردو ته متعهد یو.
۱ــ هغه څوک چې قومي نفرت ته لمن وهي باید ګردیو میزونو ته راونه غوښتل شي. د ګردیو مېزونو چلوونکي باید په مسلکي ډول او د تعادل ساتلو سره بحث پرمخ بوزي. که چېرته د خپرونې مېلمه په نفرتي، توهین آمیزه خبرو سمتي، نژادي، ژبني او قومي تبعیض ته لمن وهي نو په دې صورت کې باید د خپرونې چلوونکی د دا ډول ویناو مانع شي.
۲ــ د بحثون باید مخکې له مخکې داسې طرحه ریزي شي چې ستونزې او د حل لارې یې په نظر کې ونیول شي؛ مګر د عامه ذهنونو د مخشوشولو لپاره باید زمینه ساز نه وي.
۳ــ د ټاکنو دویمې دورې اړوند د هرډول خبر له خپرو چې موثقه سرچینه ونه لري باید ځانونه وساتل شي.
۴ــ د نوماندانو اړوند د رایو له نا رسمۍ او نا معتبره شمېرو له خپرولو په کلکه ډډه وکړل شي.
۵ــ په ټاکنو کې د تقلب اړون د اسنادو د نه شتون په صورت کې د خبر له لویولو څخه ځان وساتل شي.
۶ــ رسنۍ او خبریالان مکلف دي چې له هرډول غیرعالانه، تخلف، د ړنوالي نشتون، ټاکنیز تقلب او سرغړونو څخه د معتبرو اسنادو درلودلو په صورت کې پرده پورته کړي.
۷ــ خبریالان او رسنۍ باید د خلکو له مدني حرکتونو له لارې د دوی اساسي حقوق او مشروع غوښتنې انعکاس کړي.
۸ــ رسنۍ او خبریالان د حقیقت پیداکولو په منظور کولای شي د شته شکایتونو په اړه له مسوولو دولتي او تاکنیزو بنسټونو څخه د واحت غوښتنه وکړي او دا ډول مسایل وڅیړي.
اوس مهال دغه لاندې رسنیو او د خبریالانو صنفي او ملاتړو بنسټونو په پورته مواردو موافقه کړې ده.
شمشاد تلویزیون
یک تلویزیون
طلوع تلویزیون
لمر تلویزیون
آینه تلویزیون
میترا تلویزیون
آریانا تلویزیون
تمدن تلویزیون
خورشید تلویزیون
کلید رادیو
آموزګار رادیو
پژواک آژانس
ماندګار ورځپاڼه
هشت صبح ورځپاڼه
ملي آرمان ورځپاڼه
خرد اونیزه
د افغانستان د ژورالیستانو ملي اتحادیه
د افغانستان د خپلواکو رسنیو ملاتړ بنسټ/نی
د افغان خبریالانو د خوندیتوب کمېټه
په راتلونکو ورځو کې به یاد متن د خبریالانو د نورو صنفي او ملاتړو بنستونو او رسنیو سره هم شریک شي او موافقه به ورسره وکړي. همدارنګه نږدې ده په هغه ناسته کې چې د ټاکنو خپلواک کمیسیون، د ټاکنو خپلواک کمیسیون د رسنیو د کمیسیون، د جهوري ریاست د مطبوعاتي دفتر د استازو، د افغانستان لپاره د ملګرو ملتونو ځانګړي استازي او د ډاکټر عبدالله عبدالله او ډاکټر اشرف غني د ټاکنیزو کمپاینونو د استازو په ګډون ترسره کیږي، د یاد پرېکړه لیک محتوا مطرح او د هغوی ملاتړ جلب کړي.
