د تحول او تداوم او اصلاحاتو ټاکنیزو مرکزونو، د ټاکنو خپلواک کمېسیون او حکومت د ټاکنو وروسته د سیاسي بن بست د خبري مدیریت له طرحې چې خبریالانو، رسنیزو چلوونکو او د خبریالانو د صنفي او ملاتړو بنسټونو مسوولینو وړاندې کړه، پوره ملتړ اعلام کړ.
په هغه ناسته کې چې نن د خبریالانو ، رسنیزو چلوونکو او د خبریالانو د صنفي او ملاتړو بنسټونو د مسوولینو له لوري د دواړو ټاکنیزو مرکزونو استازي، د ټاکنو خپلواک کمیسیون د رسنیو کمیسیون رییس او د حکومت د رسنیو مرکز رییس رابلل شوي وو د ټاکنو وروسته د سیاسي بن بست د خبري مدیریت نهه ماده ایزه طرحه له دوی سره شریکه شوه.
په داسې حال کې چې د ټاکنیزو مرکزونو په وړاندیز سره په دغه طرحه کې دوې مادې نورې هم زیاتې شوې د دغه پرېکړه لیک طراحنو د یادو دوو مادو له زیاتېدو څخه هرکلی وکړو په ناسته کې ټولو ګډونوالو د دغه طرحې د جوړولو ابتکار او د ټاکنو په پروسه کې د ښکېلو غاړو سره شریکول یې د افغانستان د رسنیزو فعالانو یو په وخت اقدام وباله.
د دغه ناستې په وروستیو کې، یاده طرحه د ټولو ګډونوالو له لوري لاسلیک شوه.
دا چې یاده طرحه به د ټولو رسنیو په واک کې ورکړل شي ترڅنګ به دغه طرحه له هغه رسنیو سره هم شریکه شي چې په وروستیو اونیو کې د یادې طرحې د موادو سره په تناقض غمل کړی وو، او له هغو څخه دا غوښتنه وشي چې له دې وروسته په خپلو نشراتو کې د دغه طرحې محتوا په نظر کې ونیسي.
د یادې طرحې متن کولای شئ د افغانستان د ژورنالیستانو ملي اتحادیې له انټرنیټي پانې او یا هم له فیسبوک پاڼې په لاس راوړئ.
