په هرات ولایت کې د ساقي سیمه ایز تلویزیون خبریال، محمد ادریس امیني تېره ورځ د نامعلومو کسانو له لوري د برچې په وهلو ټپي شو.
امیني وایي د دوو موټرسایکل سپرو کسانو له لوري د کور ترڅنګ د خوراکه فروشي په خپل دکان کې پرې برید شوی دی. امیني په غیر رسمي وختونو کې د خوارکي توکو د پلور په خپل دکان کې دکانداري کوي. نوموړی وایي: برید کوونکي دوه کسان وو چې یو یط له موټرسایکل څخه راښکته شو او کله چې دوکان ته د ننه شوی هغه یې په برچه وهلی دی. امیني چې په سر، سینه، لاس او په مخ ټپي شوی وو، د سیمي د پولیسو له لوري روغتون ته انتقال شوی او له درملنې وروسته رخصت شوی دی.
د دغه قضې په تعقیب په هرات کې د افغانستان د ژورنالیستانو ملي اتحادیې مسوول او د رسنیو او حکومت د ګډې کمېټې له غړو سره یو ځای د امیني کور ته تللي او له نوموړي سره د خبرو اترو ورسته د هرات د امنیه قومندان سره یې هم خبرې کړي دي.
د هرات امنیه قومندان، سمیع الله قطره له ګډې کمېټې سره د هرات د رسنیزو بنسټونو په ناسته کې وویل چې له دغه قضیې ناخبره دی مګر ژمنه یې وکړه چې ددغه قضیې په اړه یې جدي پلټنې پیل کړي دي. په همدې حال د هرات پولیسو د دغه پېښې او د پېښې د عاملینو په اړه کومه نښه نه ده ترلاسه کړې.
امیني چې خپرونه یې په ټاکنیزو مسایلو څرخېده وایي چې له دغه قضیې وروسته د خبریالۍ کار انګېزه له نوموړي څځه اخیستل شوې او اوس مهال په ډار کې دی چې یو ځل بیا دغه دکسان په نوموړي برید ونه کړي.
له دې پېښې یوه ورځ وړاندې په غزني ولایت کې خپلواک خبریال، رحمت االه مرجانخېل چې غوښتل یې هغه ولایت ته د لوړو زده کړو وزیر د سفر له جریان څخه راپور چمتو کړي د غزني والي د ساتونکي له لوري وهل شوی دی. د افغانستان د ژونالیستانو ملي اتحاديې مسوول، اسدالله جلال زی وایي چې د غزني ولایت د والي ساتونکو ډېر ځل خبریلان وهلي دي. د غزني ولایت خبریالان وایي چې دوی مشوره کوي ترڅو د والي د دا ډول چلند په وړاندې د غزني د والي اړوند خبرونه تحریم کړي.
