په غزني کې د پژواک خبري آژانس په خبریال، سیف الله مفتون تېره شپه د وسلوالو کانو لوري برید وشو. مفتون په داسې حال کې چې د کور په لور یې روان وو د دریو وسلوالو کسانو له لوري پرې برید شوی دی لومړی یې وهلی او وروسته یې یوه اندازه کاري وسایل ورځنې وړي دي.
د مفتون په وینا یو لپ تاپ کمپیوټر، سامسونګ مبایل او یو عادي تلیفون یې وسلوالو کسانو له ځان سره وړي دي.
په غزني کې د افغانستان د ژورنالیستانو ملي اتحادیې مسوول، اسدالله جلال زی په داسې حال کې چې وايي د غزني ولایت خبریالان په مفتون برید په کلکو ټکو غندي، زیاتوي: موږ له امنیتي بنسټونو سره په اړیکه کې یو ترڅو په ډاګه شي چې بریدګر څوک وو.
په کابل کې د پژواک خبري آژانس مسوولین وایي، داسې معلومیږي چې برید کوونکي غله وو او تنها یې د ښاغلي مفتون د وسایلو د غلا په طمع پر نوموړي برید کړی دی.
