د افغانستان لویې څارونالۍ افغانستان ته د نیویارک ټایمز د خبریال، ماتیو روزنبرګ په سفر بندیز لګولی دی.
نیویارک ټایمز امریکایي ورځپاڼې په همدې اړه په یوه راپور کې ویلي چې د افغانستان جمهوري ریاست دفتر افغانستان ته د ښاغلي روزنبرګ د داخلېدو اجازه د یکشنبې په ورځ د لوی اختر په جریان کې تایید کړې ده.
ماتیو رورنبرګ په خپله مقاله کې چې د روان کال د زمري په میاشت کې چې په نیویارک ټایمز کې چاپ شوه، لیکلي وو چې یو شمېر لوړپوړي دولتي چارواکي د افغانستان د جمهوري ریاست د ټاکنو بنبست ماتولو لپاره د کودتا له لارې د موقت حکومت جوړولو په اړه په خبرو بوخت دي.
د ښاغلي روزنبرګ چاپ شوې مقالې د افغانستان د پخواني ولسمشر دولت غوسه راپورته کړه او له هغه وروسته د افغانستان د لویې څارنوالۍ دفتر په کابل کې د نیویارک ټایمز خبریال ممنوع الخروج اعلام کړ.
د افغانستان لویې څارنوالۍ دغه مقاله تفرقه اچوونکې او د د ملي امنیت او د افغانستان د ثبات لپاره تهدید بللې او له څېړنو وروسته له کابل څخه د ښاغلي روزنبرګ د ژر تر ژره وتلو امر اعلان کړ. اوس مهال د افغانستان ملي وحدت حکومت له مخکني دولت څخه په مختلفو کړنو سره وروسته له دوو میاشتو افغانستان ته د ښاغلي روزنبرګ په سفر لګېدلي بندیزونه رفع کړل.
