د افغانستان د ژورنالیستانو ملي اتحادیې له لوري د هلمند ولایت د سیمه ییزو رسنیو کارکوونکو او بیلابیلو خبریالانو لپاره د خوندیتوب ۲ ورځنی ورکشاپ پایته ورسید.
پدې ورکشاپ کې د هلمند ولایت ۳۳ تنه د بیلابیلو سیمه ییزو رسنیو کارکوونکو، خبریالانو او د خپرونو جوړونکو ګډون کړی و، چې د دوو ورځو په موده کې د خبریالانو ملي اتحادیې د روزونکي ښاغلي عزت الله اکبري له لوري روزنه ورکړل شوه.
په یاد ورکشاپ کې د خبریالانو خوندیتوب اړوند مسایلو لکه خطرونه او ننګونې،خطرناک ماموریتونه،تیاری او پلان جوړونه،ځايي معلومات او د خطرونو ارزونه،د ماموریت پر مهال د امنیت ساتل،د سفر اړیکې،د امنیتي پیښو او لاریونونو خبري پوښښ،د ښځینه خبریالانو لپاره مشورې، ډجیټال خوندیتوب ، د لوړ خطر ماموریتونو لپاره تدابیر،د تفتیش اهمیت،په جنګي سیمو کې کاري تجربې ، په جنګي سیمو کې د خبریالانو ساتنه او ګڼو نور مورادو په تړاو ګډونوالو ته روزنه ورکړل شوه.
د خبریالانو د خوندیتوب روزنیز ورکشاپ ګډونوالو د افغانستان ژورنالیستانو ملي اتحادیې څخه مننه وکړه چې په حساسو شرایطو کې یې ددوی لپاره د خوندیتوب دغه مهم ورکشاپ دایر کړ.
د دوی په وینا چې پدې ورکشاپ کې زده کړي موارد به په کاري ډګر کې عملي کوي، او هیله لري چې اغیزمنې پایلې به ولري.
د یادونې وړ ده چې د افغانستان ژورنالیستانو ملي اتحادیې له لوري تر دې وړاندي په یو شمیر نورو ولایتونو کې هم دیته ورته روزنیز ورکشاپونه دایر شویدي.
