تېره ورځ، د افغان ترک پر ښوونځي د پولیسو د برید د خبري پوښښ په جریان کې، یو شمېر خبریالان چې د خبري پوښښ لپاره سیمې ته تللي وو د کابل پولیسو له فزیکي او لفظي تاوتریخوالي سره مخ شول.
یو شمېر خبریالانو شکایت کړی دی چې د کابل امنیه قومندان د امنیتي مرستیال له لوري وهل شوي ډبول شوي او توهین او تحقیر شوي دي.
په هغه خبري ناسته کې چې نن د افغانستان د خبریالانو او رسنیزو بنسټونو د فدراسیون د غړو له لوري جوړه شوې وه، د پولیسو په دغه چلند سختې نیوکې وشوې.
په دغه ناسته کې په هغه جزیاتو چې د خبریالانو پروړاندې د تاوتریخوالي قضیو د څېړلو کمېټې له لوري په دې تړاو خپاره شوي دي توضیح ورکړل شوه.
د ذکر شوې کمېټې د اطلاعاتو پر بنسټ، په دې اړه دوه تنه پولیس نیول شوي دي.
همدارنګه د ملي امنیت شورا د مشاور دفتر اعلان کړی، چې د دغه تاوتریخوالي له ټولو عاملینو سره به جدي چلند کیږي.
د فدراسیون غړو په ننۍ ناسته کې ټینګار وکړ چې د هغو سرتېرو نیول چې د خپلو آرینو د امرونو په عملي کولو مکلف دي، کافي نه دي.
فدراسیون اعلام وکړ چې د دغه تاوتریخوالي د اصلي عاملینو د څېړلو لپاره، چې له دې جملې څخه د کابل امنیه قومندان مرستیال له مربوطه دولتي بنسټونو کورنیو چارو وزارت سره په اړیکه کې دي او دا قضیه به په جدي ډول وڅاري.
