د افغانستان د ژورنالیستانو ملي اتحادیې، د( رسنۍ او د ټاکنو سموالي) د ښوونیزو ورکشاپونو په دوام، د هېواد په مختلفو ولایتونو کې، نن د پنجشنبې ورځ د ۱۳۹۸ کال د وږي په ۷ مه نېټه د رسنۍ او ټاکنو سموالي زده کړیز ورکشاپ په بلخ ولایت کې ترسره کړ.
په دغه یوه ورځني ښوونیز ورکشاپ کې د ښځینه خبریالانو په ګډون د بلخ ولایت ملي او سیمه ییزو خبریالانو ګډون کړی وو. په دغه ورکشاپ کې د ټاکنو آمار او رقمونو، نوي اصلاحاتو او تعدیلاتو، په ټاکنو کې ښکېلې خواوې، رسنیزو سرغړونو او د ټاکنو د پوښښ د څرنګه والي په اړه خبرې وشوې.
په دغه برنامه کې په ګډونوالو د (رسنۍ د ټاکنو د سموالي لپاره) لارښود چې د افغانستان د ژورنالیستانو ملي اتحادیې له لوري چاپ شوی، ووېشل شو. او د ښوونیز ورکشاپ په وروستیو کې د افغانستان د ژورنالیستانو ملي اتحادیې د ولایتي مسوول، احمد فهیم حقبین له لوري خبریالانو ته د ستاینلیکونو په ورکولو سره یاد ورکشاپ پای ته ورسېده.
په پام کې ده چې د افغانستان د ژورنالیستانو ملي اتحادیه د لارښود محتوا چې د ټاکنو دورې لپاره برابره کړې ده، په زیاتو ولایتونو کې د ښوونیزو برنامو په چوکاټ کې خبریالانو ته زده کړې ورکړي.
