د ټاکنو بېلابېلو مرحلو د پوښښ اهمیت ته په کتو سره، د راوپایي اتحادیې له ټاکنو څخه د ملاتړ مرکز په مرسته د افغانستان د ژورنالیستانو ملي اتحادیې د افغانستان د رسنیو او خبریالانو لپاره په دري او پښتو ژبو لارښود برابر کړی دی.
په یاد لارښود کې د ټاکنو اړوند بېلابېل موضوعات ځای کړل شوي دي او په ټاکنو کې د نړیوالې تجربې او همدارنګه د هېواد روان وضعیت ته په کتو سره د رسنیو او خبریالانو لپاره ځینې مشورې وړاندې شوي دي.
موږ هیله لرو چې د دغه ګټور لارښود پراخ وېش او زده کړیز پروګرامونه چې د دغه لارښود په بنسټ په مرکز او ولایاتو کې په لار اچول کیږي، د هېواد رسنۍ او خبریالان د راتلونکو ولسمشریزو ټاکنو په پوښښ کې مسلکي رول ولري. موږ باور لرو چې د ټاکنو مسلکي پوښښ کولی شي چې له یو لوري د رایه ورکوونکو سره د خپلې خوښې وړ نوماند په ټاکنه کې مرسته وکړي او له بل لوري د ټاکنو په مختلفو مرحلو کې د قانوني او شفافې فضا په رامنځته کولو کې مرسته وکړي.
د افغانستان د ژورنالیستانو ملي اتحادیه د هېواد له رسنیو او خبریالانو غواړي چې د راتلونکو ټاکنو په پوښښ کې دغه لارښود په ډېر دقت سره په نظر کې ونیسي.
خبریالان او رسنیز کارکوونکي کولی شي دغه لارښود په سافټ شکل له لاندې لېنکونو څخه په پښتو ، دري او انګلیسي ژبو ترلاسه کړي.
