د سولې راپور ورکولو یو ورځنی زده کړیز پروګرام د افغانستان د ژورنالیستانو ملي اتحادیې او د افغان ښځینه ژورنالیستانو بنسټ له لوري په کندهار ولایت کې د ملي او سیمه ایزو رسنیو د یو شمیر خبریالانو لپاره ترسره شو.
د یاد زده کړیز پروګرام ګډونوال په هېواد کې اوسني حالت ته په کتو د دا ډول پروګرامونو په لاره اچولو د خوښۍ څرګندولو ترڅنګ وایي چې د سولې په روانو خبرو اترو کې د پرمختګ او د دغه بحث به رامنځته کیدو سره لازمي ده چې رسنۍ او خبریالان د سولې په تړاو خبرونو او پروګرامونو په خپرولو ټولنه د سولې له پدیدې سره آشنا کړي.
د دغه پروګرام محتوا (د افغان خبریالانو لپاره د سولې راپور ورکولو لارښود) څخه اخیستل شوې ده چې څه موده وړاندې د ذکر شوو بنسټونو له لوري چاپ او په زیات شمیر ولایتونو کې په خبریالانو وویشل شو.
د کندهار زده کړیز پروګرام د سولې راپور ورکولو تر سرلیک لاندې د پروګرامونو له سلسلې وو چې څو میاشتې وړاندې په مرکز او د افغانستان به ځینو ولایتونو کې ترسره شول او نږدې ده چې یاد پروګرام هم په نورو ولایتونو کې د خبریالانو لپاره ترسره شي.
