د سولې راپور ورکولو یو ورځنی زده کړیز پروګرام د افغانستان د ژورنالیستانو ملي اتحادیې او د افغان ښځینه ژورنالیستانو بنسټ له لوري په بامیان ولایت کې ترسره شو چې د ملي او سیمه ایزو رسنیو نږدې ۳۰ تنو خبریالانو پکې ګډون کړی وو.
په بامیانو کې د افغانستان د ژورنالیستانو ملي اتحادیې استازی، اسحاق اکرمي وایی په یاد زده ګړیز پروګرام کې د سولې راپور ورکولو ځانګړنو، د شخړو په حل او د تاوتریخوالي په مخنیوي کې د خبریالانو رول، د سولې له پروګرامو څخه د افغانستان د خبریالۍ ټولنې ملاتړ او دې ته ورته مهمو موضوعاتو بحث وشو.
ګډونوالو د دا ډول پروګرامونو په لاره اچولو په پار د افغانستان د ژورنالیستانو ملي اتحادیې څخه د مننې ترڅنګ ژمنه وکړه چې د ټولنیزو مسوولیتونو په نظر کې نیولو سره به د ملي ګټو او په هیواد کې د سولې ټینګښت لپاره کار کوي.
