د افغانستان د ژورنالیستانو ملي اتحادیې په خوست ولایت کې د خبریالانو لپاره د سولې راپور ورکولو یو ورځنی پروګرام ترسره کړ.
په یاد پروګرام کې د ملي، سیمه ییزو او نړیوالو رسنیو په لسګونو تنو خبریالانو ګډون کړی وو.
د دې پروګرام ګډونوالو په اوسنیو شرایطو کې د دا ډول ورکشاپونو له دایریدو خوښي څرګنده کړه او دا یی په ټولنه کې د رسنیو له لارې د سولې رواجولو په لاره کې یو مثبت ګام وباله او د سولې اړوند سوژو د خپرولو ژمنه یی وکړه.
په خوست ولایت کې د سولې راپور ورکولو پروګرام د هغه پروګرامونو لړۍ ده چې څه موده وړاندې په کابل، کندهار، بامیان، هرات او ننګرهار کې ترسره شول، تمه ده چې په نورو ولایتونو کې هم ترسره شي.
