دغه یو ورځنی پروګرام د افغانستان د ژورنالیستانو مي اتحادیې او په افغانستان کې د ښځینه خبریالانو ملاتړ مرکز له لوري ترسره شو چې د یاد ولایت نږدې ۳۰ تنو خبریالانو پکې ګډون درلود.
په مزار شریف کې د افغانستان د ژورنالیستانو ملي اتحادیې ولایتي مسوول، فهیم حقبین وایي په دې پروګرام کې د سولې پروسې اړوند موضوعاتو بحث وشو.
یاد پروګرام د مسرور لطفي له لوري پر مخ لاړو چې په هغه کې د سولې ژورنالیزو، په ټولنیز ژوند د سولې اغیزو، په ټولنه کې د سولې ذهنیت په رواجولو، د سولې اړوند سوژو اهمیت او ارزښت، د سولې راپور ورکولو ځانګړنې، د ستونزو په له منځه وړلو او حل کې د خبریالانو رول، د سولې له پروسې څخه د خبریالۍ ټولنې ملاتړ او دې ته ورته نورو موضوعاتو بحث وشو.
د پروګرام ګډونوالو د افغانستان د ژورنالیستانو ملي اتحادیې څخه د یاد پروګرام له جوړیدو مننه وکړه او دې ته ورته پروګرامونو غوښتونکي شول.
