دپکتیا خبریالانو په یوه ګډه ناسته کې چې په پکتیا کې د افغانستان د ژورنالیستانو ملي اتحادیې دولایتي دفتر لخو رابلل شوې وه ، د تېر۲۰۱۷ میلادي کال په ترڅ کې د خبریالانو او رسینو په وړاندې د تاوتریخوالي ارقام چې د هېواد په کچه د خبریالانود ملاتړ ادارولخو په تر سره شویوڅیړنو کې ترلاسه شوي ، د اندې ښنې وړ وبلل.
پکتیاکې د ملي ، نړیوالو او سیمه ییزه رسینو کې په کار بوختو ژورنالیستانو په پکتیا کې د رسنیزو کړنو پروړاندې خنډونو زیاتوالی د اندېښنې وړ وباله او د مخ نیوي لپاره یې د ژورنالستانو تر منځ یوالی اوپه چارو کې د ښې همغږۍ پرلاټینګښت ټینګار وکړ.
له ژورنالیستکي اصولو څخه د یو شمېر خبریالانونه خبراوی ، د مافیایي کړیو ، ځمکو غاصبینو او مفسدو اشخاصوله کړنو څخه پرده پورته کول ، د چارواکو لخو له خبریالانو سره پروخت د خبرونونه شریکول او په دې سیمه کې د هغو کلتوري جوړښتونو شتون چې پالل یې د خبریالۍ له اصولو د سرغړرونې په مانا شمیرل کيږي ؛ شتون یې هغه لویې ننګونې دي چې د پکتیا ژورنالیستانورسره لاس او ګرېوان دي.
پکتیا کې د افغانستان د ژورنالسیتانو د ملي اتحادیې ولایتي مسوول او د خوندیتوب د ګډې کمیټې مرستیال اصیل ځاځی له دغو ټولو ننګونوسره مبارزه د دې سیمې د هر خبریال اورسینۍ ملي او مسلکي دنده بولي وایي ، د دې چارې په تر سره کولو کې باید د هېود او سیمې په کچه د خبریالانو اورسنیو د ملاتړ بنسټونه ، دولت اونړیواله ټولنه ورسره مرسته وکړي.
د غونډې برخوالو له دولت او د خبریالانو د ملاتړ ادارو څخه وغوښتل چې ، د ولایت په مرکز کې دې د خبریالانو د خوندیتوب خونې ( خانه امن خبرنګاران ) په نامه یو استوګنځای چې ټولې اړینې آسانتیا وې ولري جوړکړي او هم دې ژورنالستانو لپاره په جګړه ییزو حالاتو کې د ځان د خوندیتوب په موخه اړین ذرهي وسایل تدارک کړي.
د غونډې په پای کې د افغانستا د ژورنالیستانو ملي اتحادیې لخوا د افغان خبریالانو لپاره د خوندیتوب لارښوود کتاب چې د افغانستان دژورنالیستانو ملي اتحادیې لخوا چاپ شوی ؛ پکتیا د ژورنالیتسانو خپلواکې ټولنې ، پکتیا کې د غږیزو رسنیو همغږۍ کمیتې ، پکتیا پریس کلپ ، پکتیا پوهنتون د ژورنالیزم دیپارتمنت او په دې ولایت کې د ګڼونړیوالو ، ملي او سیمه ییزو رسینو پر ژورنالیستانوو ویشل شو.
