د افغانستان ژورنالیستانو ملي اتحادیې له لوري د هیواد په ټولو ولایتونو کې د خبریالانو خوندیتوب لپاره پدې وروستیو کې د لارښوود کتابونو د توزیع لړۍ پیل شوې ده، چې نن ورځ هلمند ولایت کې هم څه باندی ۳۰ خبریالانو ته د خوندیتوب لارښود کتابونه توزیع کړل شول .
د لارښود دغه کتابونه هلمند کې د ملي او نړیوالو رسنیو خبریالانو، د سیمه ایزو رسنیو مسؤلینو او ویاندویانو ته توزیع کړل شول.
د خوندیتوب لارښود کې ټول هغه مسایل چې خبریالان ورسره په کاري ساحه کي مخ کیږي ځای پرځای شویدی ، چې عملي کول به یې په کاري ډګر کې له خبریالانو سره ډیره مرسته وکړي.
هلمند میشتي خبریالان هم د افغانستان ژورنالیستانو ملي اتحادیې څخه مننه کوي چې ددوی د خوندیتوب په موخه یې د لارښود کتابونه چمتو او تر دوی پوري ورسول.
