تيره ورځ، په غور ولایت کې د سرحد سیمه ایزې رادیو مسوول مدیر، احمدشاه موحد او د سلام وطندار رادیو خبریال، معروف سیدي، د پولیسو له لوري وهل شوي دي.
د نوموړو دوو خبریالانو په وینا، د نوي کال د ورځې د جشن جوړولو په جریان کې د یو شمېر پولسو ترمېنځ فزیکي شخړه رامنځته شوي، کله یې چې غوښتې لدې شخړې فلمبرداري وکړي، نو د پولیسو له لوري د تاوتریخوالي سره مخ شوي دي.
په غور ولایت کې د افغانستان د ژونالیستانو د ملي اتحادیې مسوول، قدیر غفوري وایي: کله چې سیدې د غور د پولیسو د قومندانۍ د امنیت آمرته، چې په صحنه کې یې شتون درلود، د پولیسو لدې چلند څخه شکایت کړی، دا چې نه تنها د هغه شکایت ندی څېړل شوی بلکه د پولیسو د آمر له لوري له زیات تاوتریخوالي سره مخ شوی هم دی.
نوموړی زیاتوي: موحد، توانېدلی چې په سرعت سره سیمه پریږدي، مګر سیدي په تکرار سره د پولیسو له لوري وهل شوی دی.
عیني شاهدانو ویلي دي، چې د غور د پولیسو د قومندانۍ د امنیت آمر، ضیا الدین ثاقب، د پولیسو د تاووتریخوالي د مخنیوي په اړه د سیدي د غوښتنې خلاف هغه ته توهین کړی او پولیسو ته یې ویلي دي: خبرنگاران چی کاره است که از ما فیلم بگیرد؟
د ثاقب دا چلند د دې سبب شوې، چې پولیس یوځل بیا سیدي ووهي.
په کابل کې د افغانستان د ژورنالیستانو د ملي اتحادیې مسوولین واي، چې قضیه یې د رسنیو او حکومت ګډې کمېټې سره شریکه کړې ده، چې ډېر ژر به وڅېړل شي.
