د خبریالانو د خوندیتوب ډله د ملي وحدت له حکومت څخه غواړي، په هغو ژمنو چې له انتخاباتو مخکې یې د بیان د آزادۍ د تامین او تضمین او همدارنګه د رسنیزو فعالیتونو د آزادې فضا لپاره یې سپارلې وې، عمل وکړي.
د ولسمشریزو ټولټاکنو له دویمې دورې وړاندې د خبریالانو یو شمېر حامي او صنفي بنسټونو اشرف غني احمدزي او ډاکټر عبدالله عبدالله ته یو متن وړاندې کړ، چې په هغه کې د بیان له آزدۍ، خبریالانو او رسنیزو فعالیتونو څخه د ملاتړ په اړه د هېواد د رسنیزې ټولنې عمده غوښتنې مطرح شوې وې.
د ولسمشرۍ دواړو نوماندانو دغه متن لاسلیک کړی او په همدې ترتیب سره یې د نظر وړ غوښتنو د عملي کولو ژمنې کړي دي.
نن سهار په هغه ناسته کې، چې د خبریالانو د خوندیتوب د ډلې له لوري ترسره شوې وه، ګډونوالو یو ځل بیا ټینګار وکړ چې د ملي وحدت د حکومت مشران باید په خپلو کړو ژمنو عمل وکړي.
د دغه ډلې د ترتیب کوونکي، فهیم دشتي په وینا، په یوه کال کې چې د ملي وحدت د حکومت له مر څخه تېرېږي د دغه ژمنو همده برخې ندي عملي شوې: د ملي وحدت د حکومت مشرانو ژمنې کړې وې، چې په تېرو څلورو کلونو کې د خبریالانو د قتل قضیې په جدي ډول تعقیب او د دغه قضیو مرتکبین به محکمې ته کشوي، مګر تراوسه پدې اړه هېڅ کار ندی ترسره شوی.
نوموړي زیاته کړه: پر اطلاعات او کلتور وزات باندې د سید مخدوم رهین د تصدۍ په دوره کې، د یو زیات شمېر خبریالانو او رسنیو لپاره دوسیې جوړې شوې او لدې سره سره چې ولسمشر کرزي له عدلي او قضایي دایرو څخه د دغه قضیو د وتلو فرمان صادر کړی، ډاکټر غني او ډاکټر عبدالله ژمنې کړې وې چې د دغه دوسیو سرنوشت به روښانه کوي، مګر تراوسه یې پدې ژمنو عمل ندی کړی.
د ناستې ګډونوالو، لدې څخه چې د ملي وحدت حکومت د قوانیونو د ښه والي او د تقنیني اسنادو تصویب په چارو کې، چې په هېواد کې رسنیز فعالیتونه اسانه کوي، ګامونه پورته کړي، خوښې ښکاره کړه.
د خبریالانو د خوندیتوب د ډلې غړې او د اطلاعات او کلتور وزارت نشراتي مرستیالې، آغلې مژګان مصطفوي د دې په تایید سره، چې په مختلفو اړخونو کې د خبریالۍ د ټولنې اندېښنې شته، د دولت په استازیتوب یې ژمنه وکړه، چې دغه اندېښنو ته د ځواب ویلو لپاره به زیاتې هڅې وشي.
د ناستې په وروستیو کې، د افغان خبریالانو د خوندیتوب کمېټې رییس، نجیب شریفي ژمنه وکړه، چې د ملي وحدت حکومت د مشرانو د ژمنو تر عملي کولو پورې به دغه مسله تعقیب کوي.
نږدې ده چې د ملي وحدت حکومت مشرانو د ژمنو متن له پوښتنلیک سره د خبریالانو او رسنیزو فعالانو په واک کې ورکړل شي او د دغه نظرغوښتنې نتایج دملي دولت له مشرانو سره شریک کړل شي او له هغوی څخه وغوښتل شي په ژمنو یې عمل وکړي.
