د پکتیکا ولایت د پولیسو مسوولینو ویلي چې تېره شپه نا معلومو وسلوالو کسانو یوه هندۍ لیکواله په ډزو سره وژلې ده.
د دغه ۶۹ کلنې هندۍ لیکوالې نوم(سوشمیتا بنر جي) ده، چې د طالبانو له منګولو څخه د تېښتې یو
دا کتاب د ۱۹۹۵ کال د طالبانو له منګولو څخه د یوه افغان د تېښتې کیسه بیانوي چې په ۲۰۰۳ کال کې لیکل شوی دی.
آغلې بنرجي لوموړی ځل په ۱۹۸۹ کال افغانستان ته سفر وکړ او په پکتیکا ولایت کې یې له یوه افغان تجار سره واده وکړ.
هغه په ۱۳۹۳ کال کې د طالبانو منګولو ته ولوېده او دوه کاله له طالبانو سره اسیره وه.
یاده هندۍ لیکواله په وروستیو کلونو کې یو ځل بیا افغانستان ته راغلې وه چې له خپل خاوند سره ژوند وکړي.
د پولیسو یوه لوړ رتبه چارواکي په کابل کې بي بي سي ته ویلي دي، آغلې بنرجي چې د سید کمالې په نامه هم یادېدله، په وروستیو کې یې په پکتیکا کې د صحي کارمند په توګه کار کاوه، همدارنګه آغلې بنرجي په سیمه کې د ښځو له ژونده په تصویر اخیستنه هم مصروفه وه.
د پولیسو دغه مقام چې نه یې غوښتل نوم یې په ډاګه شي طالبان یې د دغه مېرمنې د قتل مسوولین ګڼلي دي.
نوموړي زیاته کړې: طالبانو د بنرجي خاوند او د کورنۍ نوړ غړي تړلي او هغه یې بیرون ته ایستلې او په قتل یې رسولې ده. طالبانو د دغه مېرمنې مړی د یوه مکتب مخې ته غورځولی دی.
هېڅ کومې ډلې د آغلې بنرجي د قتل مسوولیت په غاړه ندی اخیستی.
