رسنۍ او خبریالان د هېواد په لویدیځو ولایتونو کې د خپل بد امنیتي حالت څخه اندېښمن دي.
په هرات کې د صنفي بنسټونو یو شمېر مسوولین د یوه ګد خبري کنفرانس په ترځ کې په افغانستان کې د جنګي ډلو له لوري د رسنیو او خبریالانو له موخه ګرځولو او دوام داره تاوتریخوالو اندېښمن دي او حکومت د خبریالانو د ځانونو په خوندیتوب کې په بې پروایی تورنوي.
په یاد کنفرانس کې، په هرات کې د افغانستان د ژورنالیستانو ملي اتحادیې د ولایتې دفتر د مسوول په ګډون د افغان خبریالانو د خوندیتوب کمېټې استازي او د نی دفتر استازي هم ګډون درلود او له هرڅه زیات د هېواد په لویدیځو ولایتونو په ځانګړې توګه په هرات ولایت کې د خبریالانو او رسنیزو کارکوونکو په اساسي ستونزو خبرې وشوې.
پر خبریالانو د تهدیدونو دوام، پر خبریالانو د تاوتریخوالو د عاملینو نه مجازات، اطلاعاتو ته د لاسرسي محدودیت، خبریالانو ته د اطلاعاتو له ورکړې د دولتي ادارو د مسوولینو تېښته او د محلي رسنیو اقتصادي ستونزې د رسنیو او خبریالانو له نورو ستونزو ګڼل کیږي چې تراوسه پرځای پرتې دي.
د نوي مېلادې کال په لومړنیو لسو ورځو کې، کم تر کمه درې رسنیزې پېښې رامنځته شوي دي.
لومړنۍ پېښه، د ندای صبح غوریان رادیو پر ودانۍ راکیټي برید وو، چې د هرات په غوریان ولسوالۍ کې فعالیت لري د دغه برید سره پیوسته په فراه ولایت کې د طالبانو له لوري د نشاط سیمه ایزې رادیو د یوه خبریال وژل کېدل او درېیم ترهګریزه پېښه د هرات د سیمه ایزې ادارې د مطبوعاتو د مسوول په ځوان زوی برید وو.
په هرات کې د افغانستان د ژورنالیستانو ملي اتحادیې مسوول، قدیر شاهین وویل، د خبریالانو او رسنیزو مرکزونو د امنیت د خوندیتوب لپاره د ملي وحدت حکومت پرله پسې ژمنو ته په کتنې سره، نه تنها دا چې دغه ژمنې عملي شوي نه دي بلکه همدارنګه د خبریالانو او رسنیو پروړاندې تاوتریخوالی جریان لري.
د شاهین په وینا، تراوسه د خبریالانو د امنیت ساتنې د څنګه والي هېڅ ډول پروګرام له امنیتي منابعو سره نه شته او دغه حالت په هرات ولایت او د هېواد په لویدیځو ولایتونو کې خبریالان سخت اندېښمن کړي دي.
محسن کریمي په هرات کې د نی دفتر استازی، د حکومتي مسوولینو په قانون ماتونې او په ځانګړې توګه اطلاعاتو ته د رسېدنې په برخه کې ټینګار کوي او وایي، د حکومتي ادارو د مسوولینو په خپل سره ممانعتونو، اطلاعاتو ته د لارسریي حق قانون د عملي کولو زمینې ته زیان اړولی دی.
له بل لوري خوندیتوب کمېتې استازي، همایون نظري ۲۰۱۸ کال د خبریالانو لپاره یو خونړی کال یاد کړی او ټینګار یې وکړ دافغان خبریالانو د خوندیتوب کمېټې د رقم پر اساس، په دې کال کې په مجموعي ډول د خبریالانو پروړاندې د تاوتریخوالي ۱۲۱ مورده ثبت شوي دي.
نوموړي زیاته کړه، د دغه پېښو ۲۱ مورده د هېواد په لویدیځو ولایتونو پورې اړه لري، چې له هغه څخه ۱۵ مورده یې تنها په هرات ولایت کې پېښې شوي دي.
په همدې حال په هرات ولایت کې یو شمېر خبریالان هم ټینګار کوي، چې د حکومت د مشرانو د ژمنو نه عملي کېدو او د ډاډه امنیت نه شتون او پر خبریالانو او رسنیو باندې لوړو تهدیدونو ته په پام سره،۲۰۱۹ کال به هم د خبریالانو او رسنیو لپاره یو سخت او اندېښمن کال وي.
هغوی د پولیسو د ویاندویانو له لوري خبریالانو ته د اطلاعاتو د نه ورکولو په برخه کې د کورنیو چارو وزارت وروستیو محدودیتونو ته په اشارې، ټینګار لري چې اطلاعاتو ته لاسرسی همدارنګه د خبریالانو لپاره یوه لویه ستونزه ده. او دغه ستونزه ترهغه وخته چې په بنیادي توګه حل نه شي د خبریالانو کار به نور هم سخت کړي.
