د انعکاس خصوصي تلویزیون مشر، انجینر زلمی لطیفي چې نږدې پنځه میاشتې وړاندې د ناپېژندو کسانو له لوري تښتول شوی وو، د امنیتي ځواکونو په واسطه د تښتوونکو له لوري آزاد کړل شو. د ښاغلي لطیفي اختطاف په جلال اباد ښارکې د خلکو، متفذینو او د افغانستان د رسنیزې کورنۍ اعتراضات له ځان سره لرل. خو په دومره وخت کې امنیتي ځواکونو او د هغه کورنۍ له ښاغلي لطیفي هېڅ خبر نه درلود. له نېکه مرغه پنځه میاشتې وروسته د امنیتي ځواکونو د کوششونو په نتیجه کې ښاغلی لطیفي د تښتوونکو له منګولو آزاد شو. د افغانستان د ژورنالیستانو ملي اتحادیه د انسان تښتوونکو له منګولو د ښاغلي لطیفي آزادېدل د هغه فامیل، امنیتي ځواکونو او د افغانستان مطبوعاتي کورنۍ ته مبارکي وایي او د هغه لپاره د کامیابۍ غوښتنه کوي.
