هیواد راډیو او ټلوېزیون په کندهار ښار کي د تیري شپې په چاودنه کي خپل یو مسلکي او تکړه خبریال له لاسه ور کړ.
عبدالحمید هوتکي تیره شپه شا وخوا ۷ بجې له هیواد راډیو څخه د خپل کور پر
لوري د تګ په حال کي وو چي د ایوبي روغتون سره نږدې د چاودني له کبله لومړی ټپي او بیا يې وروسته نن سهار څلور بجې په میرویس روغتون کي د ژورو ټپونو له کبله سا ور کړه.
اناالله و اناالیه راجعون
د هیواد راډیو ټلوېزیون مشرتابه او ټول همکاران د خپل یوه ژمن او مسلکي همکار د شهادت له کبله خپل د ژوري خواشینۍ او تسلیت مراتب لمړی د خپل ګران همکار عبدالحمید هوتکي درنې کورنۍ او وروسته د کندهار او ټول هیواد خبریالانو او د رسنیو کارکونکو ته وړاندي کوي.
عبدالحميد هوتکي د حقوقو پوهنځی لوستی وه او له ۲۰۱۴ کال راهیسي يې له هیواد راډیو تلوېزیون سره د خبریال او د خپرونو د چلونکي په توګه دنده مخ ته وړل.
نوموړی اصلآ د روزګان ولایت اوسیدونکی او د خپلي کورنۍ مشر وو چي ۷ بچیان ورڅخه پاته سوه.
د لوی خدای(ج) دربار ته د هوتکي د مغفرت لپاره د دوعا لاسونه لپه کوو او یو ځل بیا د خپل یوه فعال همکار د شهادت له کبله خپل د ژوري خواشینی مراتب وړاندي کوو او د نوموړي شهادت د خبریالانو او رسنيو لپاره دروند غم او ستره تشه بولو.
د یادوني وړ ده چي د تیري شپې په بمي چاودنه کي د خدای بخښلي هوتکي په ګډون ۴ تنه شهیدان سوي او ۷ تنه نور ټپیان سوي دي.
