د غور غږ رادیو مدیر مسوول، بسم الله عادل ایماق د جمعې په ورځ د فیروزکوه ښار کې د نامعلومو کسانو له لوري ترور شو.
د بسم الله عادل ایماق ورور، لالا ګل عادل د دې پېښې په تاییدولو سره وایي چې ورور یې نن لمازدیګر په فیروز کوه ښار کې د نامعلومو کسانو له لوري ترور شوی دی.
د غور امنیتي مسوولین وایي ښاغلی ایماق نن لمازدیګر کور ته په لارو د وسلوالو کسانو له لوري وژل شوی دی.
تراوسه د دې پېښې مسوولیت چا په غاړه نه دی اخیستی.
د خبریالانو او مدني فعالانو د ترورونو په دوام له مدني فعالې فرشتې کوهستانۍ او په غزني کې د افغانستان د ژورنالیستانو ملي اتحادیې د ولایتۍ مسوول، رحمت الله نیکزاد د وژل کیدو وروسته بسم الله عادل ایماق هم نن ترور شو.
