په هرات ولایت کې د افغانستان د ژورنالیستانو ملي اتحادیې غړي او د پرانس پرس تصویر اخیستونکي، محمد عارف کریمي په فرانسه کې د شاه مري (Maria Photo Award) تر نامه لاندې د ۲۰۲۱ کال د(فوتو ژورنالیست) د غوره انځورګرۍ په سیالۍ کې لومړی مقام ترلاسه کړ.
په یاده سیالۍ کې د نړۍ د بیلابیلو هېوادونو د تصویر اخیستونکو د کړنو نمونې وکتل شوې، چې په پایله کې د ښاغلي کریمي کاري نمونه وټاکل شوه او نوموړی د یاد بنسټ له لوري د ۲۰۲۱ کال غوره تصویر اخیستونکی وټاکل شو.
د افغانستان د ژورنالیستانو ملي اتحادیه ښاغلي کریمي، د نوموړي کورنۍ او د افغانستان د مطبوعاتو کورنۍ ته د دغه لاسته راوړنې مبارکي وایي او ورته د لا بریاوو غوښتنه کوي.
